Nhar it-Tlieta 26 ta’ Settembru 2017, Yanika Schembri Fava intervistat lill-bidwi Salvu Zammit minn B’kara dwar it-taqbiliet u elementi oħrajn tat-tradizzjonijiet orali Maltin li jiftakar. L-intervista ġiet iffilmjata minn Kevin Kiomall u se tixxandar fuq l-istazzjon tad-Dipartiment tal-Malti tal-Universita fuq Youtube.

Ħajr speċjali lis-soċjologa Anna Zammit tal-għajnuna.

Yanika talbet lis-Sur Zammit biex jitkellem dwaru nnifsu, dwar fejn trabba u dwar xogħlu. Imbagħad talbitu jitkellem fuq l-esperjenza tal-gwerra jew xi stejjer partikolari tar-raħal li trabba fih. Imbagħad tkellem dwar xi taqbiliet li kien jgħid, u wħud li għadu jgħidhom. Meta Yanika staqsietu jekk qattx qabbel xi versi spirtu pront, Salvu qalilha li t-taqbiliet jiftakarhom minn dak li dejjem sema’.